UCE-Asturies pide a los partíos asturianos que presionen pa modificar la ‘Llei Hipotecaria’

Dacio Alonso pidió esti miércoles a los partíos asturianos del país que presionen al Gobiernu estatal pa modificar la ‘Llei Hipotecaria’. El presidente de los consumidores asturianos reclama que la entrega de la vivienda salde tola deuda.
 
Alonso recordó que la entidá bancaria s’axudica la vivienda pel 50 por cientu del so valor de tasación y sigue reclamando’l pagu de la deuda restante. Pal presidente de la Unión de Consumidores d’Asturies (UCE-Asturies) esto supón un abusu “cada vegada más esmolecedor, que va agudizase en tiempos de crisis”. Los consumidores calculen que 3.000 families asturianes van vivir “esta condena financiera” que vien acompañada de la perda de la so vivienda.
 
“Ye’l momentu de que la política resuelva los problemas serios de los ciudadanos”, afirmó Alonso, que considera que “les familias pierden la so vivienda y la so dignidá”. Por ello, tamién pidió a los partíos y a los alcaldes de los 78 conceyos asturianos que reclamen al Gobiernu estatal qu’apruebe la modificación del testu refundíu de la Llei Xeneral pa la Defensa de los Consumidores y Usuarios, de manera que l’incrementu o disminución del valor de referencia usáu nos contratos de préstamos hipotecarios sía declaráu cláusula abusiva.