El puertu de Veiga va poder facer desembarques superiores a los 100 quilos d’especies d’agües fonderes

Xixón, Avilés, Cuideiru, Muros, Llastres, Ḷḷuarca y, agora, Veiga. El puertu naviegu entra na llista de cais que van poder facer desembarques superiores a los 100 quilos d’especies d’agües fonderes.
 
La Secretaría Xeneral del Mar tomó la decisión d’incluyir el puertu de Veiga a petición del seutor pesqueru. Pa ello, tuvo que modificar un artículu de l’Orde qu’establez los cais que pueden optar a la posibilidá de facer desembarques superiores a los 100 quilos de cualisquier mestura d’especies d'agües fonderes.
 
Nel resto del Estáu, los puertos que tienen estos permisos son los de Santander, Santoña, Castro Urdiales, San Vicente de la Barquera, Cariño, Cedeira, Cillero, Donostia, Finisterre, Getaria, Hondarribia, Isla Cristina, A Coruña, Las Palmas de Gran Canaria, Laxe, Lepe, Marín, Moaña, Muxía, Ondarroa, Pasajes de San Pedro, Puerto de Santa María,  Punta Umbría, Sanlúcar de Barrameda, Santa Eugenia de Ribeira, Vigo y Santa Cruz de Tenerife.