TeleCable asoleya los sos resultaos del 2008 y anuncia que mantién les sos tarifes

|

La empresa asturiana de telecomunicaciones TeleCable dio anuncia d’unos beneficios netos nel añu 2008 de 8, 3 millones d’euros siendo la so facturación superior a los 112 millones de euros, un 12 % más que al año anterior. Dende la compañía anuncien que nesti 2009 va mantener les tarifes del añu pasáu.

Según los datos apurríos por TeleCable, la empresa remató l’añu con más de 95.000 llínies de banda ancha, un 15% por cientu  más qu’en 2007. Asimesmo l’añu pasáu entamó a ufrir l’accesu a Internet al traviés de satélite nos llugares más alloñaos de los núcleos de población, amás d’instalar na zona oriental asturiana los primeros cablemódem d’última xeneración qu’ufierten hasta 100 megues de velocidá. La telefonía móvil qu’emprincipió l’añu pasáu algamó la cifra de 14.000 llínies. Too ello fixo que TeleCable superase los 143.000 clientes, ente particulares y empreses.

Na so nota de prensa TeleCable conseña qu’en 2008 emprincipió’l despliegue de la so rede de fibra óptica nos conceyos de Cangues, Ribesella, Noreña, La Ribera y Grau al traviés de la rede de banda ancha del Xestor d’Infraestructures de Telecomunicaciones del Principáu, y tamién entamó a ufrir serviciu  nos conceyos de L.lena, Samartín del Rei Aurelio, Llaviana, Tinéu, Cangas del Narcea y Llanes.

Comentarios

Parezme perbien que mantengan les sos tarifes, pero bono pa celebrar esos benéficios podien dar meyor oferta a los sos beceros faciendo desaparecer les televisiones locales, y sustituyendoles por otros canales, amas ufiertar canales en otres llingues que nun solo den informativos, y n´abiertu, nun me parez de recibu que se tenga que pagar a parte por ver la TV5 francesa que ye de gran calida, mientres en TLG, y demas Maruja retucanos lo guapos, ricos, llistos que vamos a ser, amas de tener la pareya mas guapa del mundiu.

Contador Estadistiques