La ex secretaria de la Sindicatura de Cuentes denuncia a Gabino de Lorenzo y a Jaime Reinares

Rosa Zapico, ex secretaria de la Sindicatura de Cuentes, denunció esti llunes a Gabino de Lorenzo y a Jaime Reinares por un delitu d’encubrimientu. BA-UNA pide a PP, PSOE y IX que dexen les presiones sobre la Sindicatura.
 
La denuncia de Zapico vien pol fechu de que nin l’alcade d’Uviéu nin el diputáu nel Congreso estatal y conceyal de la ciudá denunciaren énte la Policía nin énte les autoridaes xudiciales el robu presuntu de correos electrónicos, de los que dambos tuvieron conocencia'l día 9 de marzu. La denuncia refierse de la mesma manera a la divulgación en rueda de prensa y entrega a periodistes, por parte del conceyal Jaime Reinares, de les comunicaciones robaes del corréu electrónicu personal de Zapico.
 
Esta denuncia produzse depués de que'l pasáu vienres, 11 de marzu, Reinares ofreciere una rueda prensa de prensa na que dixo qu'esistía una trama enté'l PSOE, la Sindicatura y el Tribunal de Cuentes p'atacar al Conceyu d'Uviéu. P'argumentar la so hipótesis mostró una serie de correos electrónicos procedentes d'una cuenta de Rosa Zapico. Reinares algamara esos correos gracies a la filtración d'un ciudadanu anónimu que s'autodenomina 'Voxpopulis' y que los unvió'l 9 de marzu.
 
Estos fechos “puen constituyir un delitu d'encubrimientu del que seríen responsables los receptores de los correos, esto ye, l'alcalde y el conceyal mentáu, que los recibieron de manera supuesta’l día 9 de marzu”, reflexa Zapico na denuncia, según señalaron a Europa Press fontes cercanes a la ex secretaria del órganu fiscalizador. Rosa Zapico yá presentara'l vienres pasáu otra denuncia en Fiscalía pola sustracción de los sos correos electrónicos.
 
Otra manera, Rafael Palacios, candidatu de la coalición Bloque por Asturies-UNA, mostró esti llunes la so preocupación poles “presiones constantes que tán exerciéndose sobre la Sindicatura de Cuentas por parte del PSOE, IX y PP”. Pa la coalición la independencia de los órganos fiscalizadores de l’Alministración Pública son “básicos para garantizar una calidá democrática mínima”.