Adolfo Camilo Díaz presenta la reedición de ‘Añada pa un güeyu muertu’

Esti xueves, a les 19 hores, va presentase nel FNAC de Parque Principáu la reedición de ‘Añada pa un güeyu muertu’ d’Adolfo Camilo Díaz, asoleyada por Suburbia Ediciones. Esta novela ganó’l Premiu Xosefa Xovellanos del 1985.
 
‘Añada pa un güeyu muertu’ ye un ‘thriller’ crepuscular que marcó a toda una xeneración de narradores asturianos nel momentu de la so publicación, nel añu 1985. Agora, 26 años depués, Suburbia Ediciones asoleya una reedición de la obra revisada pol autor cola fin de depurar el testu d’hiperasturianismos y espresiones usaes na llingua asturiana de la época, y adaptalu a los tiempos actuales.
 
Esta reedición de la primer novela d’Adolfo Camilo Díaz complétase con un epílogu esplicativu del autor y un prólogu de Xandru Fernández.