Rafael Palacios y Yolanda Huergo aconcéyense esti llunes con representantes de la CSI

Los cabezaleros de la candidatura Bloque-UNA van reunise esta tarde na sede de la Corriente Sindical d’Izquierda (CSI) colos representantes del sindicatu. L’oxetivu ye “tratar temes d’interés común”, señalen dende la coalición nacionalista.
 
La cercanía del 22 de mayu fai que les formaciones polítiques tean trabayando a destayu na preparación del programa eleutoral que van ufiertar a los ciudadanos de cara a la cita coles urnes. Ye por esti motivu pol que Rafael Palacios y Yolanda Huergo, les dos persones qu’encabecen la llista del Bloque por Asturies-Unidá Nacionalista Asturiana, quieren “tratar temes d’interés común” colos representantes del sindicatu asturianu.
 
La cita ta prevista pa esta tarde, a les 19.30 hores, na sede de la CSI en Xixón.