Sestaferia vive una folixa antroxera con un recital poéticu y el hip-hop d’Arma X

El Centru Social Sestaferia tien programáu pa esti Llunes d’Antroxu una folixa cola poesía y la música como protagonistes. Nella van participar los activistes de la pallabra Pablo X. Suárez y David González, amás d’Arma X.
 
L’entamu d’esta folixa, organizada por Diagonal Asturies y Glayíu, ta programáu pa les 21 hores. Nun primer momentu, Pablo X. Suárez va presentar ‘Pop retórika’, pa depués dar pasu a los versos de David González. Tres ellos, va ser el turnu d’Arma X, ún de los referentes de la escena hip-hop nel país.
 
Amás d’estes intervenciones, la folixa en Sestaferia (cai Joaquín Alonso Bonet, 2; Xixón) va contar con muncha música, mázcares, rifes y combinaos.