Una charra d’Ecoloxistes n’Aición va tratar sobre la contaminación por mercuriu nes agües

El miércoles 16 de marzu va celebrase en Xixón un charra sobre la contaminación por mercuriu en fontes y manantiales. Nél va presentase un estudiu sobre la presencia d’esti metal pesáu nes agües de Xixón y Carreño.
 
‘Mercuriu nes agües soterrañes de Xixón y Carreño’ ye’l nome del estudiu de la xeólogos Beatriz González y Eduardo Menéndez nel que tamién quinxo collaborar Ecoloxistes n’Aición d’Asturies, coleutivu que vien trabayando dende hai una década sobre los pelligros d’esti material. El mercuriu ye un metal pesáu mui contaminante, llíquidu a temperatura ambiente, que cuenta con un impactu fuerte nos humanos. “La so forma más tóxica, el metilmercuriu, acumulase nos productos pesqueros, de manera especial nos grandes depredadores y llega a los nuesos cuerpos col so consumu”, espliquen los ecoloxistes, que’alvierten de que “cada vez ye mayor la evidencia científica sobre los negativos impactos a la llarga, no referente a la salú, pa la sociedad”. Los más afectaos seríen los nácaros nel tiempu de xestación y los neños pequeños.
 
“Col conocimiento de la situación de contaminación de dalgunes de les fontes del oeste de Xixón, al igual que’l resto de los ciudadanos y ciudadanes de la ciudá, de forma especial los más próximos a las fontes afectaes, pensamos que yera d’ importancia extrema un estudiu detalláu, non sólo d’eses fontes, sinón de la situación real de tolos acuíferos, asina como de los oríxenes y causes de la contaminación”, un llabor que “superaba la capacidá d’esta asociación”, espliquen dende Ecoloxistes n’Aición d’Asturies. Por ello, al conocer l’interés de González y Menéndez, espertos nos acuíferos de Xixon, nun duldaron “en collaborar, na midida de les nueses posibilidaes na realización del mesmu”.
 
El resultáu d’esti estudiu va poder conocese’l miércoles 16 de marzu, a les 19.30 hores, na sala de conferencies del Centru de Cultura Antiguu Institutu de Xixón. En primer llugar va intervenir Paco Ramos, miembro d’Ecoloxistes n’Aición d’Asturies y del Grupu de Trabayu Mercuriu Cero (ZMWG), con una introducción que lleva’l títulu ‘Hacia un mundu ensin mercuriu’, pa depués dar pasu a Beatriz González, autora del estudiu xunto a Eduardo Menéndez.