Los 18 partíos xudiciales asturianos van contar con un sistema de videoconferencia esti añu

El procesu de renovación de la xusticia va permitir que tolos partíos xudiciales d’Asturies cuenten con un sistema de videoconferencia a lo llargo d’esti añu. Ello va permitir la meyora de les comunicaciones ente los órganos xudiciales.
 
El Conveniu Trillateral de Collaboración ente’l Ministeriu de Xusticia, el Gobiernu d’Asturies y la entidad pública Red.es pal desarrollu de Servicios Públicos Dixitales nel Ámbitu de l’Alministración de Xusticia, robláu nel 2010, va ampliase hasta avientu del 2012 y va permitir, con una inversión de 1.188.200 euros –594.100 euros procedentes de les arques asturianes– la puesta en marcha de midiés pa modernizar la xusticia. Ún de los aspectos más destacaos, y prioridá principal pa la Direición Xeneral de Xusticia, ye la instalación y puesta en serviciu de videoconferencies en tolos partíos xudiciales asturianos, amás de sistemes nuevos de grabación n'órganos xudiciales distintos.
 
La planificación prevé terminar cola estructura de videoconferencies en Villaviciosa, Grau, Piloña y nel edificiu nuevu del Institutu de Medicina Llegal, asina como ampliar los sistemas de grabación nel Tribunal Superior de Xusticia d’Asturias, Llangréu y el Institutu de Medicina Llegal. D’igual forma, tamién ta previsto pa esti añu la instalación d’un ‘quioscu’ de rexistu civil pilotu nel partíu xudicial de Xixón pa que les persones puedan xestionar les certificaciones que necesiten ensin necesidá d’esperar coles.
 
Otros proyeutos de desarrollu teunolóxicu previstos pol Gobiernu d’Asturies dientro d’esti conveniu son la meyora del equipamientu de los órganos xudiciales, l’aplicación del sistema LexNet, la puesta en marcha d'un portal web con recursos on-line y la difusión de los sistemes de xestión procesal ente los usuarios.