Sofía Castañón va dar un recital de poesía en 'La buena letra' xunto a la gallega Yolanda Castaño

Esti sábadu va celebrase un recital de poesía na llibrería xixonesa La buena letra cola participación de Sofía Castañón y la gallega Yolanda Castaño. L’eventu va comenzar a les 20 hores y cuenta con entrada llibre.
 
Nesti recital de poesía, les persones que s’averen a La buena letra (cai Casimiro Velasco, 12) van poder sentir creaciones de les dos poetes que se carautericen pol utilizar les sos llingües propies xunto col castellanu. Sofía Castañón (Xixón, 1983), conocía tamién por dirixir la productora Señor Paraguas, foi ganadora del VI Certame de poesía ‘Nené Losada Rico’ col so poemariu ‘Tiempu de render’ y cuenta, pese a la so mocedá, con una amplia trayectoria detrás.
 
Mentes, Yolanda Castaño (Santiago de Compostela, 1977) ye una poeta mui reconocía en Galicia, onde copresenta un concursu cultural na TVG, y fuera del so país. Castaño tien publicaos cincos poemarios billingües y tres llibros de poesía pa neños y neñes. Parte de la so obra tornóse a llingües tan diverses como l’inglés, l’alemán, l’italianu, el chinu, el lituanu o’l polacu.