ACA alerta de qu’Asturies pue ser el basureru d’otres comunidaes autónomes

L’Agrupación de Colectivos Asturianos (ACA) alvierte de la posibilidá de qu’Asturies se convierta nel basureru d’otres comunidaes. Solicita la nulidá de dos documentos sobre la xestión de residuos “por resultar disconformes al ordenamientu xurídicu”.
 
En concreto, ACA pidió la nulidá del Documentu d’Aprobación Inicial del Plan Territorial Especial Área de Tratamientu Centralizáu de Residuos d’Asturies y l’Informe de Sostenibilidá Ambiental qu’abarca los conceyos de Llanera, Corvera, Xixón y Carreño, sometíos a información pública, “por resultar disconformes al ordenamientu xurídicu”, según l’escritu d’alegaciones al que tuvo accesu Europa Press.
 
L'escritu señala que s'opta por instalar una incineradora ensin xustificar un meyor resultáu medioambiental, y ACA opina que detrás de la construcción de la planta ocúltase la posibilidá de tratar n’Asturies residuos d’otres comunidaes autónomes. Dende esta agrupación consideren que nun s’evaluraron los resultados de una buena política de xestión de residuos y alvierten de que la incineradora da llugar a que non se recicle, amás de suponer “una fonte de contaminación que pue afectar al mediu ambiente”.