Los comerciantes d’Aviles convoquen el XXI Concursu de Chigres Antroxaos

Los chigres d’Avilés yá pueden inscribise nel XXI Concusu de Chigres Antroxaos qu’entama la Xunión de Comerciantes d’Avilés y Comarca. El premiu pal ganador d’esta edición del yá tradicional certame ye de 2.600 euros.
 
Avilés yá ta preparando l’Antroxu d’esti añu. L’asociación de los comerciantes de la comarca abrió güei el plazu d’inscripción pal XXI Concursu de Chigres Antroxaos, que va zarrase’l miércoles 2 de marzu. Como novedá principal d’esta edición del certame ta la incorporación del votu popular, que va a sumase al del xuráu. El chigre que resulte ganador var recibir un premio de 2.600 euros, mentes qu’el segundu y el tercer premiu va tener una gratificación de 1.000 y 800 euros, respeutivamente. Los ocho primeros clasificaos van llevase una recompensa económica y, tamién, obsequios de les empreses collaboradores.
 
Los establecimientos participantes deben tar decoraos ente’l 3 de marzu, xueves de Comadres, hasta’l día 10. Les inscripciones pa participar nesta edición del concursu pueden formalizase nes oficines de la Xunión de Comerciantes d’Avilés y Comarca, na cai La Llibertá, númberu 9.