El Gobiernu d'Asturies coloca’l primer monolitu pa señalizar les foses comunes del país

La fosa d’El Pinar de Salinas, en Castrillón, ye la primera que se señala con un monolitu n’Asturies. Esta aición ta enmarcada dientro’l Plan d’Identificación de Foses que va dignificar les 353 catalogaes hasta’l momentu nel país.
 
El monolitu asemeya una piedra natural, identificada por una placa na que, baxo'l símbolu de Memoria Democrática d'Asturies, pue lleese “en reconocimientu a los que perdieron la so vida pola llibertá y la democracia”, amás del nome de la fosa. La d’El Pinar de Salinas data de la etapa de represión de la posguerra. Desconozse'l númberu exautu de persones que puedan tar ellí soterraes, pero si se conoz que son ciudadanos de tola comarca avilesina y non sólo del conceyu de Castrillón.
 
Con esta identificación, el Gobiernu d’Asturies “pretende recordar la memoria d'aquelles persones que perdieron la so vida lluchando pola democracia”, apuntó Noemí Martín, conseyera de Bienestar Social y Vivienda.