Mediu Rural presenta’l Plan d’Emplegu Forestal, que va facilitar 150 puestos de trabayu

El Plan d’Emplegu Rural pa la Meyora de los Montes de Conceyos y Parroquies Rurales 2011 va permitir el mantenimiento y creación de 150 puestos de trabayu. Ésti ta formáu por 57 obres en 35 conceyos y 12 parroquies.
 
“Ún de los oxetivos de la conseyería ye la creación d’emplegu estable y de calidá nel monte asturianu y, por ello y pola situación de crisis actual, realizamos un importante esfuerzu pa impulsar planes d’inversión y creación d’emplegu nel ámbitu rural”, señaló Aurelio Martín, conseyeru de Mediu Rural y Pesca, que tuvo acompañán na presentación del Plan por Joaquín Arce, direutor xeneral de Política Forestal. Esta iniciativa de Mediu Rural cuenta con una dotación económica de 2.832.106 euros que va dedicase a financiar 57 obres pequeñes y proyeutos pa la meyora de montes en conceyos y parroquies rurales “mui xeneradores d’emplegu y repartíes” por toda Asturies.
 
Estes actuaciones, que van permitir la creación y mantenimientu de 150 puestos de trabayu, van principiar de manera inmediata y van allargase tol añu. Martín destacó que l’actividá forestal ye “una de les soluciones al despoblamientu del medio rural”, y añadió que “promueve el desarrollu llocal sostenible y la cohesión social de les árees rurales, amás de favorecer la creación de riqueza, la diversificación económica y la xeneración de emplegu”.