CERMI-Asturies propón a Trevín midíes pa meyorar l’accesibilidá de los colexos eleutorales

El Comité de Representantes de Persones con Discapacidaes del Principáu d’Asturies (CERMI) solicitó a Antonio Trevín midíes pa meyorar l’accesibilidá de los colexos eleutorales. El coleutivu entregó-y un documentu con delles propuestes.
 
L’asociación, fundada nel 1999, considera que “ha de posibilitase que les personas con discapacidá puedan acceder, en condiciones d’igualdá, seguridá y dignidá a los colexos eleutorales pa exercer el so derechu al votu ensin discriminación dalguna pola so condición”. Por ello, CERMI reclamó esti vienres al delegáu del Gobiernu estatal n’Asturies que los centros “deben tener la so sede en llugares totalmente accesibles pa tolos coleutivos de persones con discapacidá”.
 
Los representantes del CERMI reuníos con Trevín entregaron-y un documentu nel que reclamen la instalación de cabines con dimensiones suficientes pa que una persona en silla de ruedes pueda desenvolvese nel so interior; la presencia d’aparcamientos acutaos pa persones de movilidá reducida cerca del centru eleutural; indicaciones adecuaes; regulación de l’altura de les meses pa que l’accesu a les urnes sía accesible; y que s’arbitre un sistema, al igual que nes eleiciones xenerales últimes, pa que’l votu sía accesible pa les persones ciegues qu’usen el braille como sistema de llecto-escritura.