Principia en Xixón la esposición de Francisco Caso de Corro ganadora del Premiu Astragal 2010

La esposición ‘Rolling Kings SK8’ de Francisco Caso del Corro, ganadora del IX Premiu Astragal, principia esti vienres a les 20 hores. Trátase d’una revisión, reinterpretación y representación de los reis asturianos.
 
‘Rolling Kings SK8’, o lo que ye lo mesmu, ‘reis rodando’, va tar espuesta nel espaciu Astragal del Conseyu de la Mocedá de Xixón y nella los visitantes van poder ver una serie pictórica y un audiovisual. La instalación, inspirada nel retratu modernu, reflexona sobre l’orixe y el sentíu de les imáxenes icóniqueas que sirven de base a la creación de los mitos. L’autor entrúgase ónde taben los modelos que sirvieron pa esti propósitu entós y ónde s’alcuentren güei. Esaminando modelos de la llamada xeneración X, llibera la incógnita, mitificando a la persona retratada, y desmitificando al ídolu históricu.
 
José Francisco Caso del Corro (1976), ye téunico superior de grabao y téuniques d’estampación pola Escuela d’Artes d’Uviéu. L’artista posee un curriculum espositivu ampliu en distintos espacios artísticos d’Asturies y la so esposición ‘Rolling Kings SK8’ foi una de les ganadores del IX Premiu Astragal, organizáu pola Conseyería de Cultura y Turismu, al traviés del Institutu Asturianu de la Mocedá, y del Conseyu de Mocedá de Xixón. El coleutivo Bailarinas Parabólicas, formáu por Mariate García Villa y Mónica Cofiño, se llevó l’otru premiu de 4.000 euros col so trabayu ‘Dolores Automáticos’.