Asturies presentó dos Planes de Zona p’aplicar el Programa de Desarrollu Rural Sostenible

Ún pa la zona occidental del país y otru pa la oriental. Asturies presentó dos Planes de Zona col oxetivu d’aplicar el Programa de Desarrollu Rural Sostenible y revitalizar asina les zonas rurales delimitaes pol Gobiernu del país.
 
El direutor xeneral de Desarrollu Sostenible d’Asturies, Ángel Luis Álvarez, treslladó estos dos planes a la Mesa de Asociaciones de Desarrollo Rural nuna reunión nel que tamién tuvieron presentes representantes d’Aragón y Navarra, que presentaron los propios. Esta mesa tan compuesta por axentes sociales que participen nel procesu de puesta en marcha de la Llei de Desarrollu Sostenible del Medio Rural.
 
Los dos planes asturianos financiaranse con un total de 82 millones d’euros, perres que van servir pa movilizar iniciativa, tanto privada como pública, y dinamizar el seutor, según señaló Álvarez. El direutor xeneral destacó la importancia de qu’el mediu rural "pase a tar na axenda de les alministraciones públiques como un tema importante y central”.