CO OO va protestar en Llangréu pola “xestión pesima” de la xusticia

El Seutor de Xusticia de CO OO y la Xunión Comarcal del Nalón del sindicatu van protestar mañana en Llangréu contra la “xestión pésima” de la xusticia n’Asturies. “Cada día que pasa, el servicu va a peor”, afirmen dende Comisiones Obreres.
 
La protesta ta prevista pa les 12 hores nel edificiu xudicial de Llangréu y ta enmarcarda dientro la campaña entamada pol sindicatu n’Asturies. Comisiones Obreres critica la situación actual del Serviciu Públicu de la Xusticia d’Asturies que, na so opinión, vien dada tanto pol recorte presupuestariu como pola “xestión” pésima que fixo’l Gobiernu d’Asturies dende qu’asumió la tresferencia de Xusticia.
 
Nel actu, el sindicatu va esplicar “cómo cada día que pasa esti serviciu públicu funciona peor; y too ello gracies a los decidíos esfuerzos por parte del Gobiernu d’España, y de manera más aplicada pol Gobiernu d’Asturies, de que sía asina". Pa ello, van pegar cartelos y repartir fueyes informatives a les persones usuaries de la xusticia que vayan al xulgáu. Amás, CC OO pidirá a la población asturiana y a la de la Cuenca’l Nalón que, como usuaria de los Servicios Públicos, xunte les sos fuercies col coleutivo de persones trabayadores d’esos servicios pa evitar el "desmantelamientu que de los mesmos pretende facer el Gobiernu” español y asturianu.