Asturies, n’alerta mariella por vientos fuertes na costa

La costa asturiana ta güei n’alerta mariella por raches d’aire fuerte. Según la predicción de l’Axencia Estatal de Meteoroloxía (AEMET), la esistencia d’estos vientos costeros podría provocar oles d’hasta cinco metros.
 
En xeneral, tol Cantábricu va tar afectáu pol mal estáu de la mar, anque onde más van notase les raches fuertes de vientu va ser n’A Coruña, yá nel Atlánticu. Asina, la zona costera más occidental de la provincia gallega tien establecida l’alerta naranxa, qu’avisa de la esistencia d’un riesgu importante.
 
AEMET va mantener l’alerta mariella n’Asturies na xornada de mañana, al menos hasta les 10 hores, y previsiblemente’l sábadu. Mentes, la totalidá de la costa d’A Coruña pasa a tener alerta naranxa, qu'estenderáse a Lugo na xornada del sábadu.