El Decretu que regula la evaluación docente aprobaráse la selmana qu’entra

El Principáu aprobará la selmana qu’entra’l Decretu que regula los planes d’evaluación de la función docente tres tratalo güei nel Conseyu de Gobiernu. Tamién esaminó otros tres decretos en fase de borrador.
 
Ana Rosa Migoya, conseyera d’Alministraciones Públiques y portavoz del Gobiernu, informó güei en rueda de prensa d’esta noticia. El proyeutu de Decretu, que yá pasó’l trámite del Conseyu Consultivu, desarrolla la Llei 6/2099, de 29 d’avientu, d’Evaluación de la Función Docente y los sos Incentivos, concretando los sos planes y procedimientos.
 
Los otros decretos en fase de borrador qu’esaminó güei’l Conseyu de Gobiernu foron el Decretu de modificación del Decretu 92/2002, de 11 de xunetu, de turismu activu; y les modificaciones del Decretu pol que s’establez el currículu del ciclu formativu de Grau Superior de Formación Profesional n’Axencies de Viaxes y Xestión d’Eventos, y el currículu del ciclu formativu de Grau Superior de Formación Profesional en Guía, Información y Asistencia Turístiques.