El Parlamentu catalán va debatir sobre la independencia

La Mesa del Parlamentu catalán almitió a trámite la declaración independentista de Solidaritat Catalana per la Independencia (SI) que va permitir un debate sobre esta proposición de llei na Cámara. Los votos de CiU, claves pa que saliera alantre.
 
Esti pasu previu pal debate nel Parlament diose gracies a los cuatro votos del partíu d’Artur Mas frente a los dos en contra del PSC y ún del PP. Lluís Corominas (CiU), vicepresidente primeru de la cámara, argumentó que la Mesa tomó esta decisión porque la proposición cumple con tolos requisitos formales pa poder almitise a trámite. Coles mesmes, recordó que la Mesa nun pue pronunciase políticamente nin analizar el conteníu de la iniciativa de SI, puesto que "la soberanía pa facelo correspuende al plenu del Parlament".
 
La declaración ye una proposición de llei que'l partíu llideráu por Joan Laporta rexistró na Cámara la selmana pasada y que, d'aprobase, facultaría al Gobiernu autonómicu a negociar la independencia de Cataluña cola comunidá internacional, y al Parlament a aprobar la secesión cola mayoría absoluta de los sos miembros ensin la necesidá de convocar un referéndum. Dende SI soliciten a los partíos del Parlament llibertá de votu a los diputaos pa cuando llegue’l momentu de votar la so proposición.