La llista d’espera pa operase mengua un 2,2 por cientu

El Serviciu de Salú del Principáu d’Asturies (Sespa) realizó 65.515 intervenciones quirúrxiques nel 2010. Esti númberu altu d’operaciones permitió una reducción de la llista d’espera pa entrar en quirófanu del 2,2 por cientu.
 
Estes cifres dioles a conocer María Luisa Sánchez, directora de Servicios Sanitarios, nuna rueda de prensa na que tamién informó que los pacientes incorporaos a la llista d'espera quirúrxica l’añu pasáu eleváronse a 16.454, de los qu'a 11.854 interviniéronlos nun periodu d'hasta 90 díes, lo que representa una reducción del 1,8 por cientu nesti entamu. Los 4.600 restantes tuvieron qu'esperar ente 90 y 180 díes, una cifra que supón un descensu del 2,8 por cientu nesti intervalu.
 
Según los datos del Sespa, la demoranza media pa entrar al quirófanu asítiase en 65,2 díes, inferior a los 66,03 díes de finales del 2009, y cinco díes menos de media que nel conxuntu del sistema estatal de salú. Al final de la so intervención, Sánchez destacó que los indicadores "fueron meyorando" nun añu "que foi especialmente complicáu y nel qu'hubo qu'asumir un impactu deriváu de la crisis".