CC OO critica’l recorte del 41 por cientu en prevención de riesgos llaborales

L’Institutu Asturianu de Riesgos Llaborales ve recortáu esti añu’l so presupuestu nun 41 por cientu, midida tomada pol Gobiernu autonómicu que foi criticada por Jesús Alonso, secretariu de Salú Llaboral de Comisiones Obreres (CC OO). Alonso tamién llamentó que les cuentes pal 2011 incorporen "remanentes d'años anteriores" del propiu institutu” y que s'aprobaren los presupuestos "ensin pasar l'anteproyectu pela Xunta Rectora”.
 
El representante de CC OO señala que cola ausencia d’esti pasu’l Gobiernu autonómicu sáltase la norma y incumple lo pactao con un recorte del 20 por cientu respecto al añu anterior", de manera que "afecta a les partíes acordaes nel Aceba". Amás, con esta reducción del presupuestu del Institutu Asturianu de Riesgos Llaborales, ésti torna a les cifres “del 2004”.
 
Alonso considera qu'estes decisiones asitien a la Xunta Rectora "nuna difícil posición" pa desarrollar los sos trabayos nun momentu nel que "la salú llaboral pue tar viéndose reducida nos centros de trabayu". A lo último, el sindicalista llamenta que "una materia tan sensible como ye la prevención de los riesgos llaborales vuelva tar marxinada".