Ponga yá tien la toponimia oficial
|
2 Febreru, 2011 por E.P. / Redacción
- Inicie sesión o rexístrese pa espublizar comentarios
El Conseyu de Gobiernu autonómicu aprobó esti miércoles el decretu qu'establez a partir d'agora los topónimos tradicionales del conceyu de Ponga.
Dempués del entamu de la vixencia del presente decretu, les Alministraciones Públiques van adaptar de manera progresiva les rotulaciones en víes públiques y carreteres lo mesmo que de mapes y planos oficiales a les formes toponímiques establecíes nel decretu, afirmó'l Gobiernu asturianu. De momentu, mediu de centenar de conceyos completaron la revisión de la so toponimia.
Con estes actuaciones, el Gobiernu asturianu avanza, pasu a pasu, nel so oxetivu de completar la revisión de los 78 conceyos asturianos. Ye un procesu necesariamente llargu y detalláu, entamáu previu pidimientu de los mesmos Conceyos, onde intervienen los partíos políticos con representación municipal, los colectivos de vecinos, les asociaciones de la zona, l'Academia de la Llingua Asturiana y la Universidá d'Uviéu, asina como investigadores, encuestadores y espertos en toponimia.
Efrén d'Andrés
Comentarios
Como presta lleelo si ye de verda i non ta fechu en papel moyau .Fechu pa non usalo ...Como en tantos conceyos . Con la llei non se fai nada, si non se camuden los rotulos, i se usen los nomes ,que los ditadores mos llevaren, un pocu de xusticia!!!