El xuez decreta prisión provisional y ensin fianza pa Riopedre

La Xueza del Xulgáu d'Instrucción número 4 de Xixón dictó, atendiendo al pidimientu del Ministeriu Fiscal, una orde de prisión provisional, comunicada y ensin fianza pal ex conseyeru d'Educación y Ciencia, José Luis Iglesias Riopedre.

La causa son los delitos de prevaricación, sobornu, tráficu d'influencies, fraudes y exacciones illegales y negociaciones prohibíes pa funcionarios.
  
Riopedre declaró mientres más de dos hores y darréu van treslladalu al Centru Penitenciariu de Villabona. Coles mesmes comunícase qu'esta operación ye'l resultáu d'una estrecha collaboración ente dichu Xulgáu y la Brigada de Delincuencia Económica de Xixón.
  
Amás infórmase que como les dilixencies policiales nun acabó na so totalidá nun ta previsto qu'haya más declaraciones hasta mañana, según informó'l Tribunal Superior de Xusticia d'Asturies.

Detenciones
Xuntu al ex conseyeru los axentes detuvieron tamién a la ex directora xeneral de Planificación y Centros, María Jesús Otero; a la funcionaria del Principáu d'Asturies, Marta Renedo; y a los empresarios Víctor Manuel Muñiz Menéndez, de la empresa Igrafo, y Alfonso Carlos Sánchez Sánchez, d'Almacenes Pumarín.
           
Los delitos que se tán investigando son prevaricación; sobornu; malversación de caudales públicos; tráficu d'influencies; negociaciones prohibíes a funcionarios; fraude y exacciones illegales y blanquéu de capitales, según la TSXA.