Xuventú Asturianista tamién refuga de la Semana Negra en Viesques

Les mocedaes del PAS, Xuventú Asturianista, vienen de sorrayar el so apoyu a la Universidá d’Uviéu contra la celebración de la Semana Negra de Xixón nel recintu universitariu de Viesques.

Según les mocedaes asturianistes “nun ye de xacíu qu’un Conceyu tenga una confrontación d'esti tipu con una institución académica por testerones na defensa d'un supuestu certame lliterariu, que d'esto nun tien nada”.

Xuventú Asturianista tamién criticó que l’equipu municipal sigue dando-y un apoyu económicu creciente a esti eventu “cuando les administraciones tán recortando gastos de los sos presupuestos”.

Movilizaciones
A lo último, la mocedá del Partíu Asturianista recordó’l so “sofitu dafechu” a la Universidá d’Uviéu y al Colectivu d’Estudiantes contra la Semana Negra. “Si hai movilizaciones, esta organización va unise a elles”, acabó’l comunicáu de Xuventú Asturianista.