El presidente y el primer ministru tunecinos abandonen los sos cargos nel partíu

El presidente y el primer ministru de Túnez, Fouad Mebazza y Mohamed Ghannouchi, abandonaron los sos cargos nel partíu gobernante, la Reagrupación Constitucional Democrática, según informó esti martes la televisión pública tunecina.

La televisión enmarcó estes dimisiones nun intentu por "separar l'Estáu del partíu", ún de los pidimientos de los políticos opositores y de los líderes sindicales.
  
Con esti xestu, el presidente y el primer ministru en funciones aspiren a salvar l'actual Gobiernu de coalición, puestu en duda poles socesives dimisiones de ministros y les crítiques contra lo que algunos consideren una sucesión de l'anterior alministración.
  
Esti martes dimitieron del so cargu'l líder del Foru Democráticu pol Trabayu y les Llibertaes, Mustafá Ben Jaafar, actual responsable de Sanidá, asina como otros trés miembros del Executivu que representen al sindicatu Unión Xeneral de Trabayadores de Túnez (UGGT).
  
Les sos salíes obedecen a la presencia nel Gobiernu de miembros del partíu del derrocáu presidente Zine al Abidine Ben Alí, que'l pasáu vienres abandonó'l poder y el país tres delles selmanes de protestes antigubernamentales.