Nueves detenciones nel “entornu” d’ETA tres l’altu’l fueu

Axentes de la Policía Nacional y la Guardia Civil detuvieron esta madrugada a delles persones pola so supuesta vinculación con delles filaces del “entornu” d'ETA, informaron a Europa Press fontes de la llucha antiterrorista.

Los deteníos son Llamas Montoya, Sanzo Madariaga, Odria Montenegro y García Llorens, esti últimu arrestáu n'Álava, Javier Beortegui Martínez, Iker Moreno Ibáñez --fíu del voceru de Batasuna Txelui Moreno--, Iñigo González Etayo, Juan Arratibel Garciandía, Jorge Mayo Hermoso de Mendoza y Jorge Zabala Cía.
  
Según les mesmes fontes, cuatro d'ellos desempeñaríen actividaes d'apoyu a los presos d’ETA. Emprestaben apoyu informáticu y propagandísticu en favor de la organización.
  
Estes mesmes fontes precisaron que s'espera un númberu considerable d'arrestos nel primer operativu a gran escala contra'l supuestu entornu de la banda dende que la organización decretare'l pasáu día 10 de xineru un altu'l fueu xeneral, permanente y verificable.
  
Versión policial  
Según la versión policial, los deteníos recibieren instrucciones de recomponer esta estructura dempués de que'l pasáu 14 de setiembre otra operación de la Guardia Civil saldar cola detención de nueve de los sos miembros, concretamente de la so dirección nacional polo que'l Ministeriu del Interior dio por descabezáu a esti ñeru, encargáu de cumplir y facer cumplir les directrices d'ETA nel so entornu.
     
Según precisaron les mesmes fontes, los arrestaos guarden relación cola páxina web 'www.apurtu.org' na que se denuncien les operaciones policiales contra'l supuestu entornu d'ETA y s'allaba a los presos d'ETA.
  
Nun ye la primer vez que les fuerces de seguridá actúen contra los responsables d'esti tipu de páxines web. Yá en xunetu del 2009 la Guardia Civil detuvo a trés persones acusaes de ser responsables de la web www.gaztesarea.net sobre la que l'Institutu Armáu tenía sospeches de que valía pa financiar a Segi al traviés de rifes.

Numberoses detenciones
Dende últimos del 2009, les fuerces y cuerpos de seguridá llevaron a cabu numberoses operaciones contra los sectores de la izquierda 'abertzale'. Amás, actuóse en trés causes contra la organización independentista de mocedá Segi y desarticulóse'l colectivu d'abogaos (H-Alboka) que, según la Policía, actuaba como nexu ente la dirección d'ETA y les cárceles.