CSIF alvierte de nueves privatizaciones pa "colocar persones a deu"

El Secretariu d'Acción Sindical de CSIF, Juan A. Gavira, señaló esti martes que'l pasáu mes de payares contratáronse “a deu" al traviés de la empresa Serpa a ocho trabayadores sociales en dellos sitios d’Asturies.

El contratu, según CSIF, tenía una duración hasta'l 31 d'avientu. CSIF recuerda que'l Principáu dispon de llistes d'empléu d'esta y otres categoríes, llistes que s'igüen en función de la puntuación llograda n'unu o dellos exames de procesos selectivos, ente que Serpa contrata a deu.
  
Lo que se ta produciendo ye que Serpa ta llamando a trabayar a unes persones que, de siguise l'orde de les llistes (méritu y capacidá) nun taríen trabayando anguaño, o dichu d'otra forma, persones que demostraron unes amplies conocencies s’atopen nel paru, mientres otres con peores resultancies tán trabayando.
  
Según CSIF, enantes p’axilizar la firma de los PIAS contratábase al personal al traviés de la bolsa d'oposición de Trabayadores Sociales del Principáu d'Asturies, con contratos de "atropo de xeres". Anguaño, a pesar de que yá esisten los nuevos presupuestos, vuelven contratar "a deu" a estos ocho trabayadores sociales hasta'l 30 d'abril, p’aumentar el númberu de beneficiarios de la Llei de la Dependencia de cara a les próximes elecciones de mayu.