El Conseyu de Gobiernu oficializó los topónimos de Cangues, Mieres y Sobrescobiu

Na reunión selmanal del Conseyu de Gobiernu aprobáronse tres decretos qu’afiten  la nueva toponimia oficial de los conceyos de Cangues d’Onís, Mieres y Sobrescobiu. Les nueves denominaciones, aprobaes pola Xunta de Toponimia y yá col preste del Gobiernu asturianu pasen a tener la consideración de denominaciones oficiales.

Según una nota de prensa de la Conseyería de Presidencia “les Alministraciones Públiques deberán adecuar de manera progresiva les rotulaciones en víes públiques y carreteres de los tres conceyos citaos, asina como de mapes y planos oficiales a les formas toponímiques afitaes nos Decretos”.

Hasta agora aprobáronse los topónimos de 36 conceyos.