L'AIEA atopa restos d'uraniu nes instalaciones siries que destruyó Israel

VIENA, 10 de Payares (Reuters/EP) Los investigadores de l'Axencia Internacional de la Enerxía Atómica (AIEA) atoparon restos d'uraniu nes instalaciones siries que se destruyeron nun bombardéu israelí'l pasáu añu, indicaron güei fontes diplomátiques. Según estos informantes, atopóse contaminación d'uraniu nes muestres que los inspectores de l'AIEA tomaron na so visita a les instalaciones el pasáu xunu. Dixeron que l'atopadura nun ye bastante como pa sacar conclusiones, pero provoca sospeches que requieren el so esclariamientu. Pel momentu, l'organismu dirixíu por Mohamed Elbaradei (na imaxe) nun fizo nengún comentariu sobre l'asuntu.