Suburbia Ediciones reedita “Añada pa un güeyu muertu”

La obra d’Adolfo Camilo Díaz “Añada pa un güeyu muertu” ponse otra vuelta a la venta nuna edición reeditada. Esti thriller yá s’editara en 1985, cuando llevó’l premiu Xosefa Xovellanos.

“Añada pa un güeyu muertu” foi una obra que marcó a toa una xeneración de narradores asturianos. Editada en 1985 pol Principáu d’Asturies, esta novela ganó a la crítica y al públicu y convirtió a Adolfo Camilo Díaz nun referente de la lliteratura asturiana contemporánea.

Esta reedición de Suburbia Ediciones llega tamién con novedaes. El propiu autor revisó’l testu pa espurgalu d’hiperasturianismos y espresiones usaes na llingua lliteraria d’aquel periodu pero estrañes pal llector actual.

Per otru llau, l’escritor Xandru Fernández fai el prólogu a la obra y Adolfo Camilo Díaz un espílogu esplicativu.