Zapatero calca na so propuesta de xubilación a los 67 años

El presidente del Gobiernu, José Luis Rodríguez Zapatero, calcó en que l'Executivu caltién la so propuesta de que la edá de xubilación llegal s'amplíe dende los 65 a los 67 años, anque con "factores de flexibilidá razonables".

Tamién confía en poder "convencer" a los partíos políticos de la necesidá d'executar esta midida. "Ésa va ser la nuesa propuesta, pero antes queremos falar con tolos grupos políticos", dixo.
  
Zapatero, nuna rueda prensa con motivu del Conseyu Européu, dixo que l'informe de la Comisión del Pactu de Toledo ye una base de consensu", pero recordó que la responsabilidá d'ellaborar el testu de la reforma de pensiones "correspuende al Gobiernu".
  
"El Gobiernu va presentar la propuesta de reforma que precisa España, que precisen los trabayadores y tolos ciudadanos, que tienen que tener un horizonte de confianza y seguridá sobre la so pensión. Y dir a facer con toles consecuencies. Va ser responsable porque tenemos que responsabilizamos del futuru de les nueses pensiones", dixo.
  
Zapatero calcó na necesidá de llanzar un ampliu debate social sobre la reforma de les pensiones porque diz tener el convencimientu de que con un debate clarificador sobre datos "la inmensa mayoría de la sociedá va entender la reforma".
  
Sobre l'actuación de los grupos políticos, señaló que "caún va demostrar el so sen de la responsabilidá y de compromisu", pero dexó claro que'l so Gobiernu nun va actuar nesti tema "en función de mires electorales" cuando ta en xuegu'l futuru de les pensiones.
  
"Tamos nun momentu históricu pal futuru de la nuesa economía y prosperidá porque encarar la gravedá de la crisis fai que tengamos que tomar midíes históriques. Si les tomamos güei, anque nel presente nun seyan fáciles, nel futuru vamos dicir que se fizo lo que se tenía que facer. Toles reformes que tamos faciendo suponen güei esfuerzos y sacrificios, pero mañana, van ser confianza, prosperidá y empléu", sorrayó.

28 xineru
El xefe del Executivu caltién el 28 de xineru como fecha pa l'aprobación d'esta reforma y indicó qu'hasta entós el Gobiernu va caltener contactos colos grupos políticos, porque'l debate de la reforma de pensiones ye "decisivu".
  
"Tenemos que tener visión de futuru, sen de la responsabilidá, capacidá de compromisu de tolos partíos y un ampliu debate social que'l Gobiernu va promover pa esplicar les razones sólides y positives de la reforma", manifestó.
  
Zapatero recordó amás qu'otros países yá ficieron reformes p'alzar la edá de xubilación, como Alemaña, y señaló qu'anque España va tener nos próximos 15-20 años una "razonable estabilidá" nel so sistema de la Seguridá Social, a partir d'entós va tener dificultaes.
  
El presidente indicó que, anque'l Gobiernu podría adoptar la "posición cómoda" de unn facer nada pa garantizar la viabilidá de les pensiones, nun ye la so intención, sobremanera nun país "seriu y previsor" como España, "que quier tar ente los meyores".
  
"Si facer agora, vamos facer progresivamente, sin qu'haya que facer midíes más drástiques", aseguró Zapatero, que recordó que'l problema a futuru que tien d'encarar el sistema de pensiones ye la elevada cantidá de xubilaciones que va haber dientro de 15 años pol boom demográficu de los 60 y el mayor númberu d'inmigrantes.