La Tertulia Pachín de Melás celebra’l so segundu aniversariu

La Tertulia Pachís de Melás cumple dos años el próximu xueves 16. Pa celebralo, entamen una mesa redonda que va tratar sobre’l conflictu llaboral qu’existió va venti años na fábrica de camises IKE de Xixón.

“El d’IKE ye ún de los conflictos llaborales más importante de la ciudá de la nuestra hestoria recién, cola peculiaridá de ser un conflictu protagonizáu por muyeres”, comenten dende UNA-Xixón, formación responsable de la Tertulia Pachín de Melás.

L’historiador y especialista nos procesos de reconversión en Xixón y Asturies, Rubén Vega; el psiquiatra y coautor del llibru “IKE, retales de la reconversión”, Guillermo Rendueles; y una antigua trabayadora d’IKE, Ana Carpintero; van ser los encargaos de falar del conflictu nesta mesa redonda.

Nel Hotel Alcomar
L’alcuentru va celebrase’l próximu 16 d’avientu a les 20.30 hores nel Hotel Alcomar de Xixón. Dende la Tertulia, encamienten a participar nél porque, según ellos, “un tema como'l de la ocupación de IKE, del que consideramos podemos sacar munches esperiencies, pueden ayudar a entender cómo tenemos de plantear un futuru llenu d'amenaces y retayos de derechos sobre les persones que viven del so trabayu.