La Xunta pola Defensa de la Llingua Asturiana solicita un reunión col conseyeru d’Educación

La Xunta pola Defensa de la Llingua Asturiana ta acabante de solicitar una reunión col conseyeru d’Educación, José Luís Iglesias Riopedre, pa “recibir información de manes del conseyeru sobre les iniciatives que piensa adoptar pa garantizar la formación de los futuros mayestros de Llingua Asturiana”.
 
La XDLLA quier que los nuevos planes d’estudiu cuenten “con una Mención de Llingua Asturiana. Amás d’esto, ha garantizase la presencia digna del asturianu nos programes d’asignatures troncales de los títulos de Educación Infantil y Primaria."

Según la XDLLA nel alcuentru tamién tien que servir pa “reconducir la situación xenerada énte la intención espresa de la dirección actual de la Escuela de Maxisteriu d'escluyir los estudios d'asturianu del nuevu proyectu de planes d'estudiu, qu'han aprobase pa la so adaptación al marcu européu de Bolonia”.