El Principáu va abrir una investigación sobre'l valtamientu d'horros en San Andrés de los Tacones

El Principáu d'Asturies decidió abrir una investigación sobre'l valtamientu d'una serie d'horros na población de San Andrés de Los Tacones (Xixón), según informaron güei fontes de la Conseyería de Cultura y Turismu.
 
La decisión llega dempués de que trescendiere que fueron polo menos ocho los horros derribaos na zona, dalgo que llevó a diferentes colectivos y formaciones polítiques a exixir responsabilidaes a Ayuntamientu de Xixón y Principáu, dao que los horros son figures protexíes. Hasta los más críticos llegaron a apuntar al proyeutu de construcción de la Zona d'Actividaes Lloxístiques y Industriales d'Asturies (Zalia) como la razón de los valtamientos.
 
Sin embargu, el director xeneral de la Zona d'Actividaes Lloxístiques y Industriales d'Asturies (Zalia), Enrique Álvarez, ofreció güei una rueda prensa pa negar cualquier tipu de responsabilidá del organismu que representa na destrucción de los horros.