La policía británica detién a Julian Assange

El fundador de Wikileaks, Julian Assange, ta deteníu pola Policía británica en virtú de la euroorden d'arrestu emitida na so contra poles autoridaes de Suecia en relación colos cargos de supuestu abusu sexual y violación.

Esta imputación coincide cola montonera de filtraciones comprometedores que se tán faciendo dende esti portal d'internet.
  
"A Julian Assange detuviéronlu en virtú d'una orde d'arrestu europea en compareciendo nuna comisaría de Londres a les 9:30 hores", una hora más n'España, informó la Policía Metropolitana nun comunicáu. La so detención prodúxose "a pidimientu de les autoridaes sueques baxo sospecha de violación".
  
El fundador de Wikileaks va comparecer "ante'l Tribunal de Maxistraos de la City de Westminster güei", precisa'l comunicáu policial, nel que se recuerda qu'Assange ta "acusáu poles autoridaes sueques d'un supuestu delitu de "coacción, dos delitos d'acoso sexual y un delitu de violación, cometíos n'agostu del 2010".
  
Anueche, l'abogáu del australianu en Reinu Uníu, Mark Stephens, indicara que'l so cliente taba dispuestu a reunise cola Policía británica coles mires de responder a les entrugues pertinentes tres la llegada a Londres de la orde d'arrestu procedente de Suecia.
  
"Julian Assange nun ta imputáu de nada", sorrayó Stephens en declaraciones a la BBC, esclarando que la intención del fundador de Wikileaks yera "facilitar" a les fuerces de seguridá la información que precisen.