El PP español opta por un candidatu de consensu p’Asturies

La secretaria xeneral del PP, María Dolores de Cospedal, afirmó esti miércoles que na elección del candidatu del PP pa les elecciones a la presidencia d'Asturies tien prioridá'l proyectu políticu antes que les persones que la desarrollen.

Sicasí, Cospedal aseguró, nuna entrevista a la Cadena Ser recoyida por Europa Press, que'l nomamientu va resolvese "satisfactoriamente" pa "tol mundu" y recordó que la "prioridá" son los ciudadanos asturianos.
  
Asina, el númberu dos de los 'populares' calcó en que'l PP, que foi un Gobiernu d'España y que lo volverá "a ser", tien que tener "claro" que'l proyectu ye lo "más importante", igual que lo son los intereses de los ciudadanos.
  
"De vez en cuando se planteguen situaciones complicaes nos partíos pero nun tengo la menor duda y confío dafechu en que va resolvese satisfactoriamente pa tol mundu. Pero fundamentalmente pa los ciudadanos asturianos que ye lo más importante equí", acabó la dirixente 'popular'.