Formientu edita un doble númberu con abondes novedaes

Yá asoleyó un nuevu númberu de la revista de lliteratura moza Formientu. Esta nueva entrega aporta con nuevos escritores y, per primer vegada, testos en gallego-asturianu y otros fechos nel estremu sur del dominiu llingüísticu asturlleonés.

Formientu ye una revista de lliteratura qu’axunta la obra d’autores xóvenes nacíos dende 1975. Dirixida por Inaciu Galán, el so Conseyu de Redacción ta formáu amás pol escritor Benxa Pérez y pola escritora y filóloga Laura Marcos, que lu coordina. Anguaño asoleyó un númberu doble (7-8) con abondes novedaes.

Nesta entrega 7-8, Formientu inclúi per primer vegada un testu en gallego-asturianu fechu por Miguel R. Monteavaro. Tamién se sumen collaboraciones de nuevos autores como’l casu de Pablo A. Quiroga, Paula Pulgar, Alex Fernandi o David Artime; que comparten páxines con otros yá veteranos en Formientu.

Tamién fuera de les nueses llendes
Otra de les novedaes que recueye esti doble númberu ye la introducción de testos que lleguen fuera de les llendes asturianes. D’esti mou, participa l’autora asturbelga Belinda González qu’unvía’l so testu dende esi país européu; Rubén Garcías, escritor zamoranu qu’enseña la lliteratura escrita nel estremu sur del dominiu llingüísticu asturlleonés; y Álvaro Pérez, autor tamién de Zamora que collabora con una torna de poemes catalanes.
re la llingua asturiana y los Premios Príncipe.