La Fundación Belenos estudia l'espaciu tradicional asturianu

La Fundación Belenos organiza’l XI Seminariu d’Estudios Asturianos. “Asturies un espaciu atlánticu: del castru a l’aldea” ye’l títulu y la temática d’estes nueves nueves xornaes que van celebrase’l 20 y 21 de payares.

L’arqueólogu Xurxo Ayán Vila, l’Etnógrafu Ástur Paredes y l’arquitectu Xuan Pedrayes Obaya van ser los encargaos de falar de la arquitectura tradicional asturiana nel XI Seminariu d’Estudios Asturianos.

Temes como la evolución histórica del espaciu domésticu n’Asturies o les formes elementales de la casa tradicional nos países celtes, van esponese, ente otres, na xornada del sábadu 20. Per otru llau, el domingu 21 va facese una ruta pela fastera de La Puela d’Allande, llugar onde se celebren estes xornaes.