L.lena convoca’l XLVIII Premiu Internacional de Cuentos

El Conceyu de L.lena, al traviés de la Conceyalía de Cultura, y en collaboración cola Conseyería de Cultura del Principáu d'Asturies convoca la XLVIII edición del “Premiu Internacional de Cuentos L.lena”.

El premiu ye de 3.005 euros pal trabayu ganador. La obra presentada ha de ser inédita, non premiada enantes nin suxeta a nengún compromisu d’edición. Les llingües vehiculares de los cuentos tienen que ser asturianu o castellanu y ha de tener una estensión mínima de cuatro folio, Din-A4 y un máximu d'ocho folios.

Los relatos, baxo seudónimu acompañáu de plica, van poder presentase hasta'l  día 11 de febreru de 2011, na Casa Municipal  de Cultura (Plaza  Alfonso X el Sabiu, nº 7, 33630- La Pola, L.lena). El cuentu galardonáu va ser lleíu pol autor/a nun actu lliterariu que va tener llugar en La Pola enmarcáu nes fiestes de La Flor.