PP pide a la Eurocámara ampliar hasta 2022 les ayudes al carbón

Eurodiputaos del PP propunxeron esti miércoles ampliar los plazos pal zarru de les mines hasta'l 2022, ocho año más de lo que propón Bruxeles, y ayudes pa proyectos d'investigación que meyore el rendimientu ambiental del carbón.

Nun paquete d'enmiendes al dictame que tien qu'emitir la Eurocámara al cambiu del reglamentu d'ayudes al carbón, los eurodiputaos del PP Agustín Díaz de Mera, Salvador Garriga, Pilar Ayuso y Verónica Lope Fontagne; sorrayen la conveniencia de caltener les ayudes "pa siguir cola estracción de carbón como elementu indispensable pa caltener les mines en bon estáu y garantizar un nivel mínimu de seguridá de suministru enerxéticu".
  
Los eurodiputaos españoles manifestaron la esperanza de qu'otros países afectaos pol zarru de les mines apoyen les sos propuestes y que'l Gobiernu d'España "cumpla lo prometío mientres la so vez de Presidencia del Conseyu", informa'l PP nun comunicáu.
  
Les enmiendes del PP, que se van votar na comisión Económica de la Eurocámara, plantegen igualmente caltener les ayudes a la reserva estratéxica del carbón de manera indefinida, cuando la Comisión Europea propón eliminales y condicionar la so autorización en supuestu de zarru.
  
"Les ayudes pal accesu a la reserva estratéxica tienen que tar destinaes a cubrir la diferencia ente'l costu d'estracción de carbón y el preciu de venta. La so razón de ser ye evidente: la seguridá del suministru enerxéticu. Nun podemos prescindir de la única fonte d'enerxía autóctona", señala la enmienda.
  
Discrepancies con Almunia
Los eurodiputaos del PP nun comparten la fecha de 31 d'avientu de 2014, que propunxo'l comisariu européu de Competencia, Joaquín Almunia, pal zarru de les mines, nin el so argumentu de que se tea” xugando la prórroga del partíu" del futuru de la minería del carbón.