Areces diz qu'esta selmana entama la negociación del Presupuestu

19 Ochobre, 2010 por E.P. / Redacción

Inicie sesión o rexístrese pa espublizar comentarios

El presidente del Gobiernu asturianu, Vicente Álvarez Areces, afirmó esti llunes qu'una vez acabáu el Debate d'Orientación Política "lo más inmediato ye armar el presupuestu del 2011".

"Agora tenemos una asignatura difícil que vamos entamar esta mesma selmana y que ye empezar cola negociación pa llograr un Presupuestu razonable, algo más restrictivu que'l del 2010, pero pensando al máximo en fortalecer la nuesa economía y utilizar a tope la capacidá d'endeudamientu", dixo Areces, qu'aseguró qu'encaren esa negociación "con gran sen de responsabilidá".

Areces manifestábase asina en declaraciones a los periodistes nos pasiellos de la Xunta, momentos dempués d'acabar la tercer y última xornada del Debate d'Orientación Política.

“Solidez del pactu”
El xefe del Executivu autonómicu manifestó qu'esti debate, y más concretamente l'aprobación de la mayor parte de les propuestes de resolución presentaes por PSOE y por IU, punxo de manifiestu "la solidez del pactu de Gobiernu".

Asina indicó qu'Asturies va contar con un presupuestu nel 2011 porque ambos socios de Gobiernu asina lu deseen y punxéronlo de manifiestu. "Hai voluntá clara de qu'Asturies tenga presupuestu", manifestó.

Comentarios

pachu wrote on 19 Ochobre, 2010:

Meyor seria ,que fixera balance'd les ventaxes que llogro p'Asturies,-nenguna!!Con les perres que-y dieren dalgo tenia que facer,ye claru- poro iso non ye tou!!!
Porque tien que ser Asturies menos que Euskadi ,en cuantu a leyes y ventaxes??Porque ye un enfotau de Madri y non llucha por so tierra..Porque non falo de la xente moza ,que dexaren Asturies por falta de trabayu,iso tamien ye Asturies y los logros que fixo.
En resume Asturies ta mas morta, esi ye el balance suyu...........