Un 40% opina que la fala del occidente ye variante gallega

Según los resultaos del Conceyu Abiertu, un 40% de persones opinen que la fala del occidente d’Asturies ye una variante del gallegu. La segunda opinión mayoritaria ye la de que ye una variante del asturianu falada n’Asturies.

“Ye un variante del gallegu” foi la opción más votada nel Conceyu Abiertu d’esta selmana, con un 40% de votos. El segundu puestu llévalo la respuesta de que ye una variante del asturianu falada n’Asturies y que la Real Academia Galega nun tendría qu’opinar nada nesi sen.

A lo último, un 24% de persones opinen que tien característiques propies y que la normativa tendría que consensuase ente les instituciones llingüístiques gallegues y asturianes; y un 4% de persones defenden qu’ehí debería falase asturianu normativu.

Yá se pue votar nel nuevu Conceyu Abiertu sobre’l Debate d’Orientación Política