Toxo critica’l tratu mediáticu tres la fuelga del 29-S

El secretariu xeneral de CC.OO, Ignacio Fernández Toxo, denunció'l que "la mayoría" de los medios de comunicación dirixeron una campaña contra los sindicatos, col fin d'evitar que'l Gobiernu rectifique la so política económica tres el 29-S.

"La fuelga foi un éxitu, digan lo que digan la mayoría de los medios de comunicación", sentenció Toxo nuna carta remitida a los afiliaos del sindicatos a cuenta de la güelga xeneral del pasáu 29 de setiembre.
  
El líder sindical almite nos primeros párrafos de la so misiva que la decisión de secundar el paru suponía un esfuerzu non carente de "consecuencies", de la que comparte "la indignación" poles informaciones sobre les manifestaciones y el devenir de la xornada de fuelga.
  
"Somos la última llinia de resistencia que se caltién firme ante los intentos d'esmantelar el derechu del trabayu y l'Estáu del Bienestar", xustificó Toxo, qu'encamentó a los sos afiliaos "siguir lluchando" por una sociedá "más xusta y solidaria" frente al Executivu y los poderes económicos.
  
Nueves movilizaciones
Trescurríos 14 díes dende la celebración de la fuelga, el secretariu xeneral de CC.OO alvierte que la crisis "nun acabó", polo qu'agora les dificultaes van prollongase "más tiempu del que mos prestaba". Nesti sen, los sindicatos yá anunciaron nueves movilizaciones pa insistir en cambiar la política económica entamada pol Executivu.
  
Toxo acaba la so carta considerando que'l Gobiernu ta obligáu agora a rectificar y a abrir una "nueva etapa" del diálogu social, dao que nos próximos meses los partíos políticos y axentes sociales tendrán qu'encarar la reforma de les pensiones, llancada nel retrasu de la xubilación a los 67 años.