CSI presenta una denuncia penal pol pieslle de Naval Xixón
|
13 Ochobre, 2010 por E.P. / Redacción
- Inicie sesión o rexístrese pa espublizar comentarios
El sindicatu CSI presentó esti miércoles ante la Fiscalía del TSXA una denuncia penal, polo que considera "el zarru illegal" de Naval Xixón y pa que depuren les posibles responsabilidaes del alministrador únicu del astilleru xixonés y de Pymar.
El conteníu de la denuncia presentáronlu dos ex representantes del Comité d'empresa de Naval Xixón, Cándido González Carnero y Balbino Cano, y l'abogáu Fernando Merodio, na Casa Sindical.
Ente los delitos denunciaos, hai algunos contra los derechos constitucionales de los trabayadores, falsiamientu de cuentes, malversación impropia, uníes a les agravantes de prevalese del carácter públicu que tenga algún de los culpables o abusu de confianza.
De la mesma manera, la denuncia interpúnxose contra'l presidente Francisco González Viñas, y el responsable de cuestiones financieres de Pymar, José Romeu, asina como contra l'alministrador únicu de Naval Xixón, Pedro Luis García. Tamién se presentó contra los responsables de Dike Global y Hecikom 7.
El sindicatu da de plazu a la Fiscalía un mes como máximu pa que lu lleve ante'l Xulgáu o presente una denuncia. Sinón, presentarán una querella ante los xulgaos directamente.
Efrén d'Andrés
