Arranca’l XXXIV Salón Internacional del Cómic

Yá arrancó’l XXXIV Salón Internacional del Cómic del Principáu d’Asturies. Inauguráu el martes 12 d’ochobre nel Antiguu Institutu de Xixón, el certame va xirar sobre esti arte gráficu hasta’l prósimu 16 d’ochobre.

El XXXIV Salón Internacional del Cómic del Principáu d’Asturies ye’l salón anual del cómic más antiguu d’Europa. Nesta edición van participar autores como Adolfo García, Gil Parrondo o Neto. Amás de coloquios, presentación d’obres y firmes d’autógrafos, va haber esposiciones y entrega de premios, ente otros.