El PAS diz qu’IX y Iglesias “búrlense” de los asturianos

El PAS critica a IX y Jesús Iglesias pola so postura colos presupuestos asturianos. Señala que’l endaudamientu del país ye de 1.500 millones d’euros y qu’Iglesias “engaña” con que va haber más inversión y obres en 2011.

“Una ficción mil vegaes representada”, asina califica’l PAS a la postura d’Izquierda Xunida nos presupuestos qu’alcuerda col PSOE. Los asturianistes señalen que’l Principáu debe-y millones al Gobiernu central y que, nos sos cálculos, non inclúin estes cifres.

“Indiferentes a la realidá Jesús Iglesias ya IX tán yá montando la comedia pa volver a engañar a los asturianos y face-yos ver que va a haber más inversión y obres pal añu de 2011 de les que puede haber”, critica’l PAS, que tamién diz que’l PSOE “como siempre xuniráse a esa ficción”.

1500 millones de deuda
Dende’l PAS tamién recuerda qu’Asturies tien un endeudamientu total de 1.500 millones d’euros y sorrayen que “esa deuda nun va a ser un motor de creación d’emplegu nel 2010 y va a pesar sobre las capacidaes futures d’inversión productiva de les instituciones asturianes”