La esposición 'Mitoloxía Asturiana' aporta al oriente

El Muséu Etnográficu del Oriente d'Asturies de Porrúa acueye la esposición itinerante 'Mitoloxía Asturiana'. Va esponese dende esti vienres 8 de payares hasta'l 27.

Les xanes, el cuélebre, el nuberu, el trasgu, la güestia, el diañu o la bruxa son algunos de los mitos tradicionales asturianos, que surden de la nueche, la borrina, la mar, el fueu, l'árbol, el ríu y el cielu. Toos ellos conformen el mundu máxicu y misteriosu de la mitoloxía.
  
Anque s'inora l'antigüedá de los mitos que componen la mitoloxía asturiana, créese que la so apaición ta relacionada col entamu del cristianismu na rexón, ente los sieglos III y V. La evolución d'ambos, cristianismu y mitoloxía, llevó un percorríu paralelu na mentalidá de los habitantes de la vieya Asturies.
 
Esta teoría caltién que l'atrasu económicu d'esti territoriu xunto cola mentalidá arcaica, contribuyó al florecimientu de les superspiticones y mitos que güei formen, deterioraos y evolucionaos, la 'Mitoloxía Asturiana'.