Cospedal diz que'l candidatu del PP tien que tener l'apoyu de les bases

La secretaria xeneral del PP, María Dolores Cospedal, dixo que'l candidatu per Asturies pa les elecciones autonómiques "tien que contar col apoyu de les bases del partíu na comunidá y, al mesmu tiempu, ser el meyor candidatu".

De Cospedal pronuncióse asina, en declaraciones a la cadena COPE recoyíes por Europa Press, cuando se-y preguntó pola posibilidá de que l'ex ministru de Fomentu y ex vicepresidente del Gobiernu, Francisco Álvarez-Cascos, seya'l númberu ún' del PP por Asturies.
  
"Yo creo que'l meyor candidatu ye aquél que tien al so favor les dos cuestiones o cualidaes: que seya'l meyor candidatu pa ganar y que reciba l'apoyu del partíu n'Asturies, y coles mesmes seya'l meyor candidatu, que supón tener l'apoyu de la xente", dixo.
  
Plazu hasta abril
Según añadió, la decisión tovía nun se tomó porque ye algo que tien que decidir el PP d'Asturies cola dirección estatal. "Tovía queda tiempu, porque los plazos llegales son más qu'aceptables", añadió, puesto que la llenda llegal pa presentar a los candidatos acaba n'abril.